上次因為思考雙十一既成功之處, 其實在於捉到客人痛點, 就係「物慾無窮」下的不断購買而成功。咁岩自己又睇緊一本書叫「簡單生活」, 正正教我們如何生活得更健康、更快樂及自在。要做到簡單生活, 正正要開始不再購買一啲不必要嘅野, 同時只保留必要嘅東西, 放棄嗰啲對自己生命冇必要嘅嘢! 但事實係實行起黎唔容易, 不過 最大啟發係, 卒之明白點解擁有得愈多就愈覺得空虛。原來人嘅滿足感係無辦法被填滿之餘, 仲會無窮無盡地擴大! 而空虛感亦隨之而地增加, 並漸漸忘記原本嘅意義。。。。。然後又再想擁有更多去填滿哩個空虚感, 跟住佢又擴大, 又更空虚, 然後又想擁有更多, 跟住又.......
「簡單生活」基於只去擁有真正屬於自己生活所必要嘅野, 做事只針對痛點, 不做多餘冇意義既事, 將寶貴既時間放在值得既事情上面! 就好似 Essentialism 裏面所堅持的 Quality of Time, 一切就好似提倡簡約主義的名建築師, Ludwig Mies van der Rohe 所講 "Less is More" 咁有力量!!
要過哩種生活, 首先要學識咩叫「必要」, 因此我就從生活開始着手, 將唔要既野全部棄掉; 包括掉棄, 送俾人, 賣走及再利用。整個過程其實好困難, 因為好多東西「似乎」仍然係想保留住佢地, 而且多年來堆積如山, 要放棄亦都非一、兩日既事可以做到!
但係喺整個過程裏面, 除咗發現咗好多「真垃圾」之外,原來亦有好多「假垃圾」! 咩係「假垃圾」? 即係嗰啲根本你係有用, 但收收埋埋唔記得咗, 然後仲花錢再去買一大堆同類嘅野! 但原來將佢攞返出黎用, 除咗省錢外, 件野又有用!! 但係如果收埋唔用, 佢就變成「真垃圾」!! 愈堆愈多, 愈多就愈亂, 而且仲背棄咗你當初為何擁有佢第一件既「初心」!!
當身邊慢慢開始愈來愈小野既時侯, 個心反而舒服咗好多, 空間亦都大咗, 又清新咗! 原來生活上既質素, 冇因為擁有得愈多而提升, 相反因為物件小咗, 生活就得到更多更自在同更享受!!
