睇新聞講話今年「光棍節」總成交額超過2100億人仔既新記錄。從經濟學上, 証明咗其實內地仍然存在着一鼓强勁既消費力, 而且消費源亦伸延到海外買家, 促成咗一啲代購公司出現, 什至在外國媒體亦出現咗一啲所謂「攻略」去教人點去 "掃平野" 等等。
從前商人只會利用傳統節日去煲大個消費力, 就算到後期某啲「推送式既節日」, 例如, 什麼白色情人節之類, 雖然都俾咗個理由「屈」人使錢, 但個消費額要到億億聲就唔容易做到。
雙十一既成功, 唔係套咗「光棍節」既節日光環, 而係主動擺明用「限時大拆扣」打動你班消費者, 卻不用傳統式既被動法去利用「節日背景」, 然後加些小拆扣來說服消費者俾錢消費。
雖然「光棍節」内所交收嘅貨品, 其實都有一個頗深層次嘅思考空間, 因為比起實體消費, 「光棍産品」既種類、品質、檔次、貨量、品牌等都同實體有分别。就算連個消費 mode 都完全不一樣!!
不過無論線上線下既消費有幾多相同或不同之處, 有一件事係值得大家去反思, 就係「物質對我地有咩意義?」, 什至可以更深層次去問, 「擁有對我地有咩意義!?」
2100億人仔既消費數字, 什至美國感恩節、Black Friday Sale 等瘋狂購物行為, 正正反影出現代人被教導到用物質去作為人生其中一個好重要既標準 ; 例如小朋友考得好就有父母送禮物、有個智能蘋果就係有 style、什至有樓就有高潮哩類連生物學博仕都理解唔到既生理系統等等嘅所謂「現代標準」。
雖然開港有話, 「人靠衣裝, 佛靠金身」, 但係除咗生活上必要嘅之外, 人其實有冇需要擁有更多呢? 睇返自己, 當每次有件"新嘢"出現時, 都花多少金錢同時間落去。到隔一排, 無倫有冇添"新嘢", 回望返件"舊嘢", 都好似覺得無無謂謂咁嘥咗啲時間同金錢落去咁, 積下積下就一大堆「吃之無味棄之可惜」既嘢, 然後引發出財政、土地、衛生及感情等問題。最慘根本原來哩堆野, 其實冇為自己帶來真正嘅快樂, 反而就伴乘住一大堆頭痛嘅問題!!
最近睇緊一本書叫「簡單生活」, 嘗試學習書中所述的健康生活方式 - 離開物質枷鎖, 享受簡單的生活。開始真係唔容易去做, 因為一來要從面對放棄之中學習珍惜, 二來更要從放棄之中體會什麽才是必要。整個過程好不容易地實行, 但係當每次能夠捨棄多一件, 空間多啲之外, 原來真係可以慳返好多時間同金錢! 不過學習仍在進行, 希望日後可以多些分享一下自己學習的進度。
「張開雙手放開, 方能擁有更完滿!」
