「資産」VS「負資産」

最近睇左篇文章解析什麼是「資産」及「負資産」。

從表面看「資産」即是某樣「東西」在得到後，為你帶來具毛利的收入，並且持續為你帶來這個好處，直至失去該「東西」或者該「東西」的好處被對冲掉。而相反「負資産」就係某樣「東西」為閣下帶來持續的「支出」必要，一直至到失去該「東西」或者該「東西」的壞處被完全對冲掉才停止。

上述說出來好似大家都明，但日常生活裏卻往往分不出「資産」與「負資産」。例如就算不用上會，一次性買入一架汽車後，它所需要的一切週邊洗費，便會因為它而帶來持續的「支出」而成為「負資産」。該文章亦指出，如果某樣「東西」在得到後，完全没有為你帶來任何「收入」，但同時也完全没有令你有任何支出的話，倘若該「東西」是需要花上金錢、時間、勞力及心思等等才能得到手，那麽該「東西」同樣也被定義為「負資産」。因為整個過程中，你需要花掉爭取「資産」的「本錢」去為這個「負資産」作出交易而損失了一個可能得到的相對資産價值機會。

而一向好多大師都敎我地，要遠離「負資産」及負債，並要增取具毛利的「資産」才會得到真正的收入。其實當中意思不難明白，但問題係，大家有冇真正計算過自己究竟有幾多「資産」及「負資産」呢? 因為如果經計算後，可能發現原本以為係資産既東西，其實一早巳被手上既「負資産」對沖晒所有資産既毛利。因此，用以上邏輯去計算，我們可將進一步套用這個 idea 入去我們的生活當中，衡量或計算出自己的「財産價值」，當中還包括投機、買賣、識業、行為、思考及其他等等的一切生活細節，幫你分辨出什麽東西是具傋「持續為你帶來好處」的「資産」並同時找出如何省減掉「負資産」的對冲力量，讓自己可以生活得更積極正面及自由自在。

自由自在的茄哩啡

記得之前睇過某棟篤笑既表演，裏面講過尼個世界上，好多人都以為自己係主角，起碼認為自己係自己尼一套戲裏面的主角，所以主角身上一切既事都好重要! 但問題係，好多人都以為自己尼套戲名叫「主角的一生」而不知道個戲名其實係叫做「茄哩啡的一生」。

其實，喺認同尼個講法之上，仲覺得做尼種「茄哩啡」好辛苦；因為最慘係以為自己係「主角」，做人做事都以自己行先，對其他野就 No Compromise!! 自我感受大過天之外，並認為尼個世界係圍繞住我尼一個主角而轉的!!

但事實上尼 d「主角」只不過係「茄哩啡」，每日既感覺良好及一切原則標準，都係由「社會」尼一套大戲裏面，被嗰 d 真真正正既主角所支配着而巳；而「茄哩啡」既喜怒哀樂，什至生兒育女都只係跟住真正主角所定下既標準去生活及教育下一代。

請明白每套戲既主角都由頭赢到落尾，佢地係唔會輸!! 就算敵人強大過自己好多萬賠，什至幾百技槍都射吾中個主角，但主角就永遠都係，連彈匣都吾洗換既情況下，One Shot 多 Kill !!

正如在股票市場中，大戶永遠吾會輸既道理一樣。但老散就成日睇埋同聽埋一堆書藉、報紙、課程、電影等等，就以為自己係「主角」，不問為什麽就沖入場戰鬥。結果就同上述套戲裏面 d 橋段内既「敵人」一樣，揸支 AK 打兩野後，"哎呀!"一聲就拜拜了。



扮「主角」既「茄哩啡」好辛苦，又竭斯底里地生活得不開心不自在。所以我明白了尼一點之後，好快就承認自己係一個茄哩啡，而且仲係「茄哩啡」之中既茄哩啡，即係去用心學習放開「主角」心態，用真正既心去愛同去感受週圍，放下用別人既標準去看自己，改變成接受同面對真正既自己 (即係茄哩啡)。無論好懷都去珍惜身邊所有既人與事，用心去承認「必要性」其實好簡單。心態上學習積極並遠離「需要」同「想要」，剩出空間來讓自己真正地生活在當下尼一刻，做一個自由自在的茄哩啡。