現代奴隸制

奴隸制, 如果google下就揾到以下資料 :

「為奴隸主擁有奴隸的制度，奴隸視為是奴隸主的財產，沒有自己的人格、自由、權利，可以買賣，且奴隸主可強迫奴隸無報酬工作，且無人身自由。如果人類社會中大部份物質生產領域勞動者是奴隸，馬克思主義將這種社會稱為奴隸社會。」

現代當然仲有奴隸, 例如維基所講既東南亞債奴、口販賣下既奴隸等等。但以人口計, 就覺得一般社會上既大衆才是奴隸! 哩啲奴隸唔係被迫, 而係個個被洗腦自願地當奴隸。

生活在社會上既大多數都「沒自己人格、自由、權利，什至可以買賣」; 睇清楚啲, 我地好多都為份工, 喺工作崗位上, 對上對下、對外對内、對人哋同埋連對自己都失去人格! 無自由咁準時上下班, 連打風落雨出唔出門口同啲風雨搏鬥都唔可以自己決定, 仲要限時限刻咁要趕返公司! 生活上, 衣食住行都冇自己選擇權利, 就連搵錢多與小都自己話唔到事, 年年年尾要卑躬屈膝求加嗰三兩個 % 人工, 就算加到, 出埋雙糧又如何吖?! 開心一日後, 第二日就要交税貢獻社會, 最感恩係自己既錢係使黎懲罰自己, 迫自己下年度要更加努!!

當然為份糧乜都可以賣! 例如日日賣人格、賣娘親祖宗十八代、賣自尊、賣家庭、賣健康、賣將來等等, 無論職位及學歴有幾高, 都同樣地每日面對哩啲買賣!!

可能你會話, 學歴高啲, 自然職位就高啲, 收入就又自然多啲, 受到現代奴隸制既影响就會小啲! 咁諗就錯了, 因為社會上既大部份, 都由一個奴隸制下既奴隸教育訓練出來的! 而且出世, 什至在「射精前」巳 programmed 咗哩啲奴隸基因入去! 由出世食乜、學乜、鐘意啲乜、同乜人一齊、用乜玩乜、去邊度都身不由己! 連基本認識自己時間都冇, 心理同生理發不成正比, 目的就係為咗制造更奴隸的奴隸! 因為將來哩啲尖子一出來社會, 基本上比上一代既奴隸更容易被操控, 因為佢地既無思考亦無心理質數去思维, 有既只係技能同工藝去應付每一日。

但最重要既部份, 喺奴隸制社會及其教育下, 就刻意被迴避! 改用大量物質及觀能刺激去調節奴隸心理同生理需要, 並且以錯誤價值觀, 驅使奴隸們追續得不到既幻想, 以此鞭策奴隸們努力工作!!

但以上絕對唔可惜亦冇得恕個社會, 因為大部份人都係自己選擇去做奴隸而非强迫之下。所以, 現今奴隸制多數係喺非暴力之下完成之餘, 絶大部份人以為自己係高級奴隸而自豪, 而最可悲係以此制度作為 confort zone!!

事業價值觀

最近工作上遇到嘅事情及加上早排在無記上看到一間家庭小生意既運作情況, 令我思考出一個價值觀問題。

在大公司, 尤其愈大既公司裏面, 人與人之間嘅疏離係非常之大! 不論由上而下, 什至平輩之間既關系, 都全在一段距離。而哩個距離會隨住公司規模大小而定, 即係愈大, 疏離感就愈大, 相反則愈細。( 直接啲講就係人仕鬥爭問題 )

即係話疏離感愈接近零既公司就愈唔會做得大!! 點解? 因為一般公司, 尤其大企業係願意投放資源在有利用價值既人或事物身上, 亦即係話, 公司俾錢買既係嗰個人(或事物) 既某一個價值, 而忽視嗰個人(或事物) 既其他問題, 從而利用其價值, 幫助公司賺取更大利益! 舉個例, 一位年青貌美既女仔可以為公司在一個發佈會上幫助新産品促鎖, 咁公司就會以一個價錢請哩位女仔幫手, 一直至到個發佈會完結。因為公司只買哩個女仔既一個特定價值, 當達到公司目標後, 賓主關系 or 一買一賣既關系亦隨之完結。但在買賣過程中, 公司本身可以完全忽視哩位女仔其他方面既事情。(例如學歷, 技能, 性格等)

但另一方面, 個女仔就唔可以持續用同一個賣點去换取相同價值既回報。 即係話, 當佢廿八歲, 三十八或什至四十八歲時, 佢哩個賣點就變成不能得到相同回報 (或什至冇)。

因為一間公司係以賺取利益而得到生全空間, 因此佢投資落去既地方, 必須以利益為前題, 所以員工能帶俾公司乜野利益, 就决定咗員工既存在價值。但相反, 公司以員工為第一責任, 以員工全面利益出發的話, 無論員工幾落力支持公司, 公司既發展都會變得比較慢。 因為公司選擇咗無論員工是否擁有相同價值觀及無論員工是否擁有執行成就既能力都好, 公司亦要同時間花費金錢 及 時間, 來填補或者承受員工帶來的負面結果, 而導致公司發展得非常之援慢。

上述哩個情况令我進一步明白富爸爸所講既價值觀問題。如果價值觀確立得正確, 基本上無論投資、做生意定打工都好, 要達到財務自由就變得比想象中簡單同更貼地。

又舉個例, 你選擇打工作為財務自由既基礎, 你會點選擇打工既方法呢? 以勞力+時間去換取金錢? 定係以公司共同價值觀出發, 令公司因為你而得到利益同時, 亦令你得到收入呢?

用勞力+時間去換取金錢, 除咗收入有限之外, 收入時間亦有極限! 一來年龄愈大, 生産力喺冇增長情況下, 薪金 vs 生産力時, 就會漸漸變得「人工貴」、「冇晒選擇」、「議價空間減小」或什至在非常時期時, 炒魷名單就榜上有名等等!二來, 當達到一個時期, 無論咩原因, 手停就口停, 什至要轉行從頭黎過先可以生存下去, 收入當然就大倒退~

另一方面, 打工時侯, 跟公司一起執行相同價值觀來幫助公司爭取到最大利益, 什至達到共同生死既極端關系時, 你既價值同收入, 都會在一個時期内, 經公司而得到比其他打公仔更理想既回報! 不過就算係咁, 哩一個方法同上述嗰個女仔情况一樣, 都係不可能一世用相同方法, 持續地得到利益! 因為當公司愈發展得大, 持續性既利益收入就要更多 及 更快, 加上公司愈變得大, 自然就會産生出其他需求, 所以要做到用「相同價值觀」就會愈見得困難! 最後就不外乎變成兩種情況 : 一係唔掂, 就變回有限期既打公仔, 或者好掂而變成老細, 自立門戶 !

所以無論如何, E 象限都不能成為財務自由既方法, 但觀念正確的話, E 象限係一個貼地既開始, 一步一步用正確價值觀來令自己由 E 變成 I, 然後續步實現成為達到財務自由既境界。