(朋) : 哩排有咩好買?
(我) : 地産股吖!
(朋) : 跌緊喎!
(我) : 大陸股吖!
(朋) : 冇信心!
(我) : 咁保險或銀行股都ok架! 不過再等下可能平啲!
(朋) : 唉~個市咁...你點睇佢地回本期?
(我) : 我會睇五年或以上。
(朋) : 有冇啲三兩個月?
(我) : 短炒我少玩...不過可考慮電訊或科技股, 不過要好有計算能力及心理質數。
(朋) : 我地哩啲但求平穩回報, 實事求事姐! ...咁有冇啲較為穩陣些少?
(我) : 咁....公用股..三兩個月内都可以保持價值, 守到一年後, 仲有股息收。
(朋) : 哩啲我都有留意到, 本大利小! 正所謂大雞唔食細米! ...睇怕冇咩好買, 個市又咁差! 算喇~ 等個市好啲先....
(我) : 個市好返就唔係哩啲價錢喇喎!
(朋) : 你知唔知咩叫「寧買當頭起, 莫買當頭跌。」....咦!啲金升緊喎! 個市咁差, 有利頭喎! 你玩開金, 知唔知依家咩價錢?」
(我) : 金依家大約萬四蚊左右一両。
(朋) : 你估上唔上到萬六至萬八?
(我) : 可以! 不過非短期可以達到!
(朋) : 咁金點買法架?
........<下刪八千字廢話>......
(朋) : .....都係等個市好啲先再買。手頭啲股票又蝕緊....
(我) : 蝕?....咁可以諗下依家溝下貨囉!
(朋) : 溝貨? 唔喇! 升先再買!
(我) : .....其實投資方面, 你都好有心得, 咁其實唔需要其他人意見喇!
(朋) : 哦~傾下偈, 參考下姐!
此對話令我想起「牧羊人與樵夫」的故事, 一切没有對與錯, 只有心態的使然。
因為在這幾年打滾裏, 留意到很多成功人仕, 他們的成功因素往往不在於天時地利, 而在於「人和」本身。所謂的「人和」就是指自己本人而不是指其他人。自己的心態影响了行為, 而行為便做就結果。一切成功與失敗、快樂與苦痛、聚散與離合、自在與束縳等等一切結果, 都取決於你自己的心態。因為心態能擴闊眼界, 眼界擴大了, 便不會只聚焦於一點, 亦不會思想狹窄, 什至減低多原化及多樣性。眼界闊大了, 心態自然又跟着闊大, 心態闊大後, 自然亦影響言行及做就生活上的一切, 那麽身邊的人亦受感染, 自自然然便造就出所謂的 "天時、地利、人和"。但真正成功的, 不是事情上的完滿, 而是他們那顆寬大喜悦的心! 
沒有留言:
發佈留言